T.T

【東方日報專訊】葛民輝（阿葛）擔任完首場林海峰（Jan）「是但噏求其大合唱Part II」的嘉賓後暈倒送院，目前仍留醫觀察。有指阿葛疲勞過度入院，但據悉他的病情較預期嚴重，他因心肌梗塞曾經動手術，而Jan更兩度探望他。
葛民輝大前晚暈倒被送入伊利沙伯醫院，其病況惹起關注，眾說紛紜。有指阿葛心臟不適送院，惟電台公關發言人否認，並稱他只是體力透支。但據了解，阿葛病況較預期嚴重，他入院後曾動手術，其後有傳他一度轉入ＩＣＵ，目前則在普通病房休息，但未知是做俗稱「通波仔」還是「搭橋」的心臟科手術。
Jan於首晚完騷後，即趕往探望阿葛，表現憂心，而他完成第二場演出，於昨日凌晨十二時許，其座駕駛抵醫院殮房入口 ，在三名工作人員陪同下，經殮房通道進入搭鯩直上七樓心臟中心，期間Jan木無表情，不發一言。

林海峰：我同佢有心病
在探望阿葛前，Jan於紅館停車場受訪時說：「有佢開心好多，可以一齊玩。我收到佢嘅鼓勵信，佢寫『山水有相逢』嚟支持我，個騷始終要繼續做。（阿葛心臟係咪出現問題？）證明我同佢有少少心病。（心病還須心藥醫？）同佢一齊做多啲運動。（佢心臟有事？）報道少不免誇張啲。（自己跳晒吃力？）我有其他選擇咩？」問到會否再探對方？他說：「佢家人話佢病情ＯＫ，叫我唔使嚟探病，仲睇吓多唔多狗仔隊跟。」

家姐：佢十年八年冇瞓
另外，阿葛胞姊昨日透過查小欣的《巴巴閉邊個夠我查篤撐》，感謝各界關心，又透露阿葛於六月初跟大家見面：「佢冇事，已經唔使吊鹽水。（幾耐冇瞓出事？）佢十年八年冇瞓，呢幾年佢所做嘅嘢，等於人哋三四世做嘅事咁忙。」其後葛姐以ＳＭＳ交代阿葛病況：「大家放心，好想代表阿葛多謝各位好朋友關心，特別係現階段受阿葛『折磨』嘅醫生同護士，一億個多謝。」

葛姊又透露阿葛送院時，他的上身仍有為演出而畫的紋身，嚇呆為他檢查身體的護士。為怕細佬私自偷偷出院，便出招「沒收」他的手機、金錢及拖鞋，葛姊又笑說：「如果佢再唔聽話，就連佢條褲都剝埋，睇佢點走。」

六月八日如期錄影
另據知，阿葛將於六月八日如期錄影他所主持的《亮相》特別版，而他主持的電台節目《久久久但願人長久》由於是錄音節目，所以不受影響，至於他自己的時裝店「Like Black」則由店員看舖，繼續營業。